Ish-futbollisti dhe trajneri anglez, Paul Merson ka parashikuar se mesfushori armen, Henrikh Mkhitaryan do të jetë një sensacion në Arsenal.
Mkhitaryan është afër transferimit në Arsenal, pasi menaxheri i Topçinjve, Arsene Wenger konfirmoi të enjten se transferimi i Alexis Sanchezit në Manchester United do të ndodh “me gjasë” me Mkhitaryan që do të lëviz në drejtim të kundërt.
Mkhitaryan, i cili u bashkua me Unitedin në 2016 nga Borussia Dortmund, ka luftuar për kohë të rregullt në këtë sezon nën drejtimin e Jose Mourinhos dhe kohëve të fundit nuk ka luajtur fare pas disa mosmarrëveshjeve me portugezin.
Por, sipas anglezit të njohur, Merson, Mkhitaryan do të jetë një sensacion në Emirates pas transferimit nga United.
“Unë jam një tifoz i madh i Mkhitaryan”, ka thënë fillimisht Merson për The Debate.
“Unë e pashë atë në Dortmund, ku ai u votua lojtar i sezonit dhe shënoi shumë gola”.
“Ai ka humbur rrugën e tij te Manchester United, por nëse Arsenali e fiton atë, me mënyrën se si luajnë dhe mënyrën se si Arsene Wenger po shkon përpara me lojtarët sulmues, mendoj se ai do të jetë një sensacion”.
“Ai është një nënshkrim i madh për Arsenalin nëse e marrin atë”, përfundoi anglezi.
