Sebastian Xhiovinko është pranë rikthimit në Europë. Nuk po flasim për një ardhje të bujshme tek skuadra e Kukësit, por për një transferim në Itali.
Sulmuesi 35 vjeçar ka zbarkuar në Itali dhe pritet të jetë lojtari më i ri i Sampdorias. Një rikthim i rëndësishëm i lojtarit, i cili do të jetë protagonist në Serinë A përsëri.
Megjithatë në të kaluarën u përfol për një transferim të sulmuesit në Shqipëri tek skuadra e Kukësit. Këtë madje e kishte konfirmuar dhe trajneri Diego Longo pasi kishte bashkëpunuar me lojtarin në radhët e ekipit të Al Hilal.
