Edhe pse është larguar nga Interi, Raxha Naingolan vazhdon të tregojë për të shkuarën e tij, që përfshin edhe zikaltrit. Këtë herë belgu ka folur për ish-trajnerin e tij tek Interi, Luçiano Spaleti, për të cilin ka zbuluar edhe një kuriozitet.
“Te Spaleti ndonjëherë shikoj veten time, përveç faktit që ai nuk bën budallallëqet që unë bëj. Ai është impulsiv, por shumë i drejtpërdrejtë, nuk ka frikë asnjë njeri, por duhet pasur frikë nga ai sepse fizikisht është një kafshë. Kur ishim të grumbulluar në qendrën stërvitore tek Interi, unë e kam pasur dhomën në kat të parë, afër palestrës dhe ai në orën 1 të natës ishte gjithmonë duke ngritur pesha”, përfundoi rrëfimin Naingolan
