Milani si duket ka ngritur një plan interesant për merkaton e ardhshme, ku ka bërë një listë me lojtarët që është gati të afrojë.
Në krye të kësaj liste qëndron mbrojtësi i Lilës, Sven Botman, i cili ishte shumë pranë kuqezinjve merkaton e kaluar, por duket se transferimi i tij do të konfirmohet në verë.
Në ekipin e kampionëve në fuqi të Francës, duket se Milani ka gjetur dhe zëvendësuesin e Frank Kesis. Ai është Renato Sançez. Portugezi gjithashtu kishte një interes të lartë nga Pioli, por Lila refuzoi që të dëgjonte oferta për mesfushorin.
Duket se këtë merkato, Milani do të bëjë çmos për të arritur përfundimisht në akordin me Sançez.
