Boksieri 34-vjeçar ukrainas Vasiliy Lomachenko ka mbërritur në vendlindje për t’iu bashkuar ushtrisë vendase në luftën ndaj Rusisë. Lomachenko, 16 fitore e 2 humbje në ring si profesionist, ish-kampion bote në tri pesha të ndryshme, ka postuar së fundi foto nga fusha e betejës.
Lomachenko është i veshur me uniformë ushtarake dhe armë në krah, gati të hidhet në vijën e parë të betejës. Lomachenko i është bashkuar një batalioni në zonën e Bolgorod. Ai është edhe kampion olimpik, dy herë fitues i medaljes së artë në “Pekin 2008” dhe “Londër 2012”.
Lomachenko nuk është boksieri i vetëm që ka rrëmbyer armët, pasi në mbrojtje të ukrainës janë edhe dy ish-kampionët e botës në peshën e rëndë, Vitali dhe Ëladimir Klitschko (i pari është kryetari i Bashkisë së Kievit). Në Ukrainë ka mbërritur edhe Oleksandr Usyk, kampion bote në peshën e rëndë.
Ukrainian’s man, they just built different, great fighters in & out of the ring #Lomachenko #Usyk #klitschkoBrothers #HighestOfRespect pic.twitter.com/sCTyte29UN
— Hans Themistode (@themistode) February 27, 2022
