Dy humbjet e fundit në Ligue 1 kanë shtuar akoma më shuëm zërat se Galtier nuk është trajneri i duhur për të drejtuar PSG-në. Dhe gjithnjë e më afër konfirmimit në stolin parizien është Zinedine Zidane.
Por ai do të bëjë një kërkesë kyçe për transferim nëse merr drejtimin e Paris Saint Germain këtë verë. Ish-trajneri i Real Madridit duket i sigurt se do të kthehet në futboll përpara sezonit 2023/24, pasi Didier Deschamps u mbajt si trajner i kombëtares franceze.
Zidane e di se pronësia e PSG-së do të kërkojë një titull të Ligës së Kampionëve, por rekordi i tij në kompeticion i jep atij një avantazh në negociatat e mundshme, krahasuar me status quonë në Madrid, nëse Carlo Ancelotti shkarkohet.
Ndër kërkesat që ai ka të ngjarë t’i bëjë PSG-së është largimi i yllit brazilian Neymar Jr nga skuadra, me 31-vjeçarin që shihet si problem nga Zidane, sipas Mundo Deportivo.
