Te Tirana vazhdojnë të punojnë për sfidën ndaj Partizanit më 19 tetor. Gjithsesi, me trajnerin e ri Julian Ahmataj u mendua se gjërat mund të ndryshojnë, por sërish Lushkja, heroi i Europës, qëndroi në stol në Kukës.
Ai u aktivizua në minutën e 90-të nga trajneri i ri. Fakt është që Lushkja rrezikon që këtë kampionat të qëndrojë në stol, pasi vendi i tij është zënë nga treshja, Jonuzi-Deliu dhe Hila.
Nga ana tjetër nuk dihet nëse kavajasi do ta pranojë stolin. Në rreshtin e dytë rrezikon edhe Kaina, që e nisi mirë sezonin me gol, por tani është Abazaj që u aktivizua titullar.
Sido që të jetë Ahmataj ka punë për të bërë te Tirana, pasi patatja e nxehtë është stoli. Në fakt, Lushkja edhe në verë qëndroi në stol, por ia doli që me golin ndaj Dinamos së Batumit të kualifikohej në Europë.
