Julian Draxler mund të niset për në Angli, pasi Liverpool-i ka shfaqur interes për të nënshkruar me yllin e Gjermanisë. Sipas “Bild”, Jurgen Klopp dëshiron të sjellë ish-yllin e Schalke në verë në “Anfield”, për të zëvendësuar brazilianin Philippe Coutinho.
Ylli i PSG ishte protagonist në fundjavë në fitoren 2-1 ndaj Nice, por ai nuk është zgjedhja e parë e Emery. Gjermani ka shënuar katër gola dhe ka dhënë gjashtë asiste në të gjitha garat për PSG, por është e qartë, se afrimi i Neymar dhe Kylian Mbappe në verë i kanë prishur disi planet e tij.
24-vjeçari ka bërë vetëm 17 paraqitje në Ligue 1 këtë sezon, pavarësisht se u bashkua me PSG për një shifër të madhe në janar të vitit 2017 (42 mln €).
Ndërkohë, Draxler është i irrituar me vendimin e Unai Emery për të angazhuar lojtarë të tjerë përpara tij, duke përfshirë Giovani Lo Celso dhe Angel Di Maria. Ai është i disponueshëm për vetëm 50 milionë euro, konfirmon “Bild”, një shumë e mirë për atë që konsiderohet si një nga mesfushorët sulmues më të mirë të Gjermanisë.
