Ai ka treguar se është në gjendje ta hedhë pas krahëve këtë moment negativ duke luajtur mirë dhe duke shënuar një gol në ndeshjen e dytë kundër Chelsea-t, në “Camp Nou”, megjithatë francezi nuk ka qenë në gjendje të “çimentojë” veten në formacionin fillestar.
Gjithsesi situata e tij është shqetësuese, pasi shanset e tij janë të kufizuara në kampionat dhe kupë me praninë e Philippe Coutinho dhe Champions League është kompeticioni ku ai duhet të jetë zgjedhje e parë për Valverde, por spanjolli nuk e preferon.
Pasi u kthye nga dëmtimi i tij i dytë, Dembele ka luajtur në shtatë nga dhjetë ndeshjet në dispozicion, duke grumbulluar 406 minuta dhe në total, ai ka qenë në gjendje të luajë në 41% të ndeshjeve të Barcelonës, që kur u bashkua nga Borussia Dortmund verën e kaluar. Ky mund të quhet një sezon i dështuar për sulmuesin francez dhe ndoshta në verë Barcelona mund të pranojë ta largojë, nëse nënshkruan me yllin e Atletico, Antoine Griezmann.
