Futboll Ligue 1

Një autogol shpëton nga humbja Parisin

Një autogol në minutën e parë shtesë i ka dhënë mundësinë Paris SG të shmangë humbjen në fushën e St.Etienne, në një ndeshje ku luajti me dhjetë futbollistë për 50 minuta.

Gjithsesi, skuadra e drejtuar nga Unai Emery, kryeson kampionatin me 17 pikë avantazh nga Monaco e vendit të dytë, që do të luajë nesër kundër Nantes, kur mbeten kur mbeten edhe gjashtë ndeshje nga fundit.

Saint Etienne kaloi në avantazh kur u mbush çerekore lojë me golin e shënuar nga Remy Cabella me portën e boshatisur.

Në minutën e 31-të, Cabella pati rastin më të mirë për të dyfishuar rezultatin, por humbi një 11-metërsh.

Katër minuta para fundit të pjesës së parë, PSG mbeti me dhjetë futbollistë, pas kartonit të dytë të verdhë të marrë nga Presnel Kimpembe.

Parisi bëri vetëm një goditje në portë gjatë gjithë pjesës së parë duke barazuar rekordin negativ të këtij sezoni, që e kishin vënë pikërisht ndaj St.Ettiene në ndeshjen e fazës së parë të luajtur në gusht.

Në pjesën e dytë, miqtë e patën rastin më të mirë me Edinson Cavani, por golashënuesi më i mirë i Ligue 1 gaboi çuditërisht me portën e boshatisur, pas pasimit të marrë nga Angel Di Maria.

Në minutën e 91-të, PSG gjeti golin e barazimit kur Debuchy devijoi në portën e tij goditje me kokë të Mbappes.

 

Related posts

Juventus hidhet në sulm/ Bardhezinjtë bëjnë ofertën e parë për yllin e Botërorit

Sadik.Autor

Kroacia mposht Senegalin me përmbysje, në miqësoren mes dy finalistëve (VIDEO)

Sadik.Autor

Kalon testet mjekësore, nuk do ta besoni klubin e ri të ish-sulmuesit të Milanit

Q.Autor

Leave a Comment