Mario Manxukiç do të jetë një nga armët që Juventusi do të ketë për ndeshjen e kthimit kundër Realit të Madridit, edhe pse kroati vuajti shumë duke e parë skuadrën e tij nga pankina, që të mposhtet. Gjithsesi, lajmi i keq për skuadrën e Juventusit janë ofertat e çmendura që mbërrijnë nga Kina për të.
Edhe pse 31-vjeçari ka një kontratë deri në vitin 2020, bardhezinjtë mund të vendosin që ta shesin, duke qenë se gjysma e skuadrave të kampionatit kinez, me Gunagzhu Evergranden në krye janë gati që të shpenzojnë 30-35 milionë euro për kartonin e tij, ndërsa vetë lojtari mësohet se i janë ofruar 15 milionë euro në vit, për tre sezonet e ardhshme nga skuadra që drejtohet nga ish-mbrojtësi i Juventusit, tashmë trajner i Guangzhgusë, Fabio Kanavaro.
