Mesfushori i Manchester City-t Fernandinho ka thumbuar Liverpool në prag të ndeshjes së kthimit në çerekfinalen e Champions League në Etihad.
Anfield nuk ka qenë një vend fatsjellës për skuadrën e Pep Guardiola-s këtë sezon, me Të Kuqtë që i kanë mundur në të dyja rastet brenda në fushën e tyre.
Dhe në prag të ndeshjes së kthimit në Manchester, Fernandinho pretendon se Liverpool është një ekip që i pëlqen të luajë me topa të gjatë.
“Kemi luajtur tri herë ndaj tyre këtë sezon. I mundëm 5-0 brenda. Është një ekip që pëlqen të luajë me topa të gjatë.”
Fitorja 3-0 i ka dhënë një avantazh të rehatshëm Liverpool-it në luftën për të arritur në gjysmëfinalen e Champions League për të parën herë pas 10 viteve dhe Fernandinho pranon se një gol tjetër i pësuar do të ishte nokauti për Qytetarët.
“Tani e kanë radhën lojtarët me eksperiencë të tregojnë veten. Nesër duhet të luajmë të bashkuar deri në fund.”
