Nuk feston aspak Jurgen Klopp, pasi shorti i ka vënë përballë ekipin e Romës në gjysmëfinalet e Champions League.
“Nëse dikush mendon se patëm fat në short, unë nuk jam kurrsesi dakord: me siguri ai që flet në të tillë mënyrë nuk ka pasur ndeshjet e verdhekuqve kundër Barcelonës,” – deklaroi trajneri i Liverpool.
Për gjermanin nuk është arsye për të festuar se ka shmangur Real Madrid dhe Bayern Munich: “Do të kishim pasur shanse edhe ndaj tyre. Kundër Romës kemi mundësitë tona.”
“E kam parë Romën në të dyja ndeshjet me Barcelonën. Humbja 4-1 në ndeshjen e parë nuk ishte rezultati i drejtë me atë që u pa në fushë. Në ndeshjen e kthimit mund të fitonin 5-0, më kanë lënë shumë mbresa,” – deklaroi Klopp.
