Superliga shqiptare kohët e fundit ka ngjallur interes në mediat e huaja, të cilat po e pasqyrojnë aktivitetin futbollistik të vendit tonë javë pas jave.
Sot “Tuttomercatoweb” ka publikuar rezultatet e javës së 29-të të Superiores dhe krahas tyre edhe renditjen.
Sipas prestigjiozes italiane, është Kukësi që ka shumë shanse për Champions League, pasi në artikullin e saj shkruhet se Skënderbeu është i dënuar nga UEFA.
“Shtatë javë nga përfundimi i kampionatit shqiptar. Skënderbeu ka filluar numërimin mbrapsht. Kukësi shumë më pranë pjesëmarrjes në Champions League, pikërisht nga pezullimi i Skënderbeut me 10 vjet”, shkruhet në artikullin e “Tuttomercatoweb” për kampionatin shqiptar.