Do të luhet finalja e Kupës së Mbretit në Spanjë, Barcelona-Sevilla, dhe do të jetë një duel për t’u ndjekur ai mes Mercados dhe Mesit, të dy shokë skuadre tek Argjentina.
Në një intervistë për të përditshmen “AS”, Mercado deklaron se duhet të jetë i kujdesshëm me patriotin e tij.
“Nëse e lëndoj Mesin, nuk kthehem dot më në Argjentinë”, shprehet mbrojtësi.
Kjo tregon se sa i rëndësishëm është kapiteni i Argjentinës për ekipin e tij dhe gjithë shpresat e kombit në këtë Botëror rëndojnë pikërisht mbi asin e Barcelonës.
Sevilla është një nga “viktimat” e preferuara të Mesit gjatë karrierës së tij.
