Sergio Ramos është shprehur mjaft i kënaqur pas fitores së madhe të Real Madridit ndaj Bayernit. Mbrojtësi spanjoll ka thënë se kanë qenë të bindur se do të kalojnë në finale.
“Jam shumë krenar për ekipin dhe lojtarët. Kur luhet me zemër dhe me shpirt, atëherë vjen shpërblimi. Ky është shpërblim për gjithë sakrificën që kemi bërë dhe po kthehemi në finale. Kemi qenë të bindur që mundemi të mbërrijmë në finale dhe besoj që mundemi edhe ta mbrojmë titullin”, deklaroi Ramos.
“Kush do të merret me llafe le të vazhdojë. Ne flasim në fushë, sepse këtu jemi më të mirët dhe kështu do të vazhdojmë”, ka shtuar më tej kapiteni i Real Madridit.
