Manchester United e ka siguruar blerjen e parë të afatit kalimtar veror, sipas tabloidit britanik “The Sun”. Sun raporton se Unitedi ka arritur marrëveshje për blerjen e mesfushorit të Lazios, Sergej Milinkovic-Savic për 90 milionë euro.
Edhe pse trajneri Jose Mourinho fillimisht ka ngurruar ta paguajë atë shumë, ai ka vendosur ta transferojë serbin duke marrë parasysh pensionimin e Michael Carrickut dhe largimin e mundshëm të Marouane Fellaini.
Kjo shumë do ta bëjë Milinkovic-Savicin lojtarin e dytë më të shtrenjtë në histori të Premierligës, pas Paul Pogbas.
