Skënderbeu është skuadra e vetme në Kategorinë Superiore që ka luajtur më shumë ndeshje nga të gjitha skuadrat e tjera. Impenjimet në kupat e Europës, në fazat paraeliminatore dhe më pas në grupet e Ligës së Europës i detyruan korçarët që të përshkonin shumë kilometra si në udhëtim ashtu edhe në fushën e lojës.
Në total janë 59 ndeshje të zhvilluara deri tani, që ndoshta do shërbenin si një motiv për të ndalur dominimin e Skënderbeut. Por, në fakt korçarët ia dolën të bënin mirë edhe në Ligën e Europës, të fitonin titullin kampion dhe të shkonin në finalen e Kupës.
Për më tepër kanë zhvilluar edhe ndeshje miqësore me skuadra të forta, duke filluar nga qershori i vitit të kaluar dhe do ta mbyllin sezonin 3 ditë përpara këtij qershori në Kupë. Në total do të jenë 63 ndeshje.
