Boston ka fituar 107-94 ndaj Cleveland në finalen e dytë të play off-it në Konferencën e Lindjes, duke udhëhequr 2-0 serinë e takimeve. Skuadra e Celtics e shfrytëzoi në maksimum faktorin fushë, duke i fituar të dyja takimet e luajtura në fushën e tij. Fitorja e sotme ishte disi më e ëvshtirë, pasi Cleveland e udhëhoqi takimin në shumicën e kohës, deri në mesin e periodës së tretë. Më tej, Boston arriti të rikuperojë dhe përmbysë shifrat në periodën e katërt, duke e merituar fitoren.
Ashtu si në sfidën e parë, të pestë titullarët e Boston realizuan mbo 10 pikë, me Brown që ishte shënuesi më i mirë, autor i 23 pikëve, por edhe pjesa tjetër e skuadrës nuk zhgënjeu, ndaj kolektiviteti ishte çelësi i fitores për vendasit. Për Cleveland u dallua i zakonshmi LeBron James, që realizoi 42 pikë, 10 rebaind e 12 asiste, mbështetur edhe nga Love me 22 pikë e 15 rebaund, por ishin tepër të izoluar, të pambështetur nga pjesa tjetër e skuadrës, duke mos e evituar dot humbjen.
NBA – Konferenca e Lindjes (finale play off)
Boston Celtics – Cleveland Cavaliers 107-94 (2-0 me ndeshje)
NBA – Konferenca e Perëndimit (finale play off)
Houston Rockets – Golden State Warriors, (0-1 me ndeshje)
