Johann Zarco me Monster Yamaha ka siguruar sot pasdite “pole position” në pistën e La Mansh, duke dhënë kohën 1’31”185” në përfundim të provave zyrtare, të vlefshme për Çmimin e Madh të Francës në Moto GP.
Në garën e shtëpisë, piloti francez bëri një paraqitje fantastike në provat zyrtare, duke lënë pas të gjithë rivalët. Në vendin e dytë u rendit kryesuesi i Botërorit, spanjolli Marc Marques me Honda, ndërsa i treti italiani Danilo Petrucci me Ducati Pramac, duke kompletuar vijën e parë të nisjes në garën e nesërme (starti ora 14:00).
Zarco, i mbështetur edhe nga fansat e shumtë, tregoi se do të jetë pretendent nesër për fitoren në pistën e shtëpisë së tij edhe pse do ta ketë të vështirë ndaj Marquez. Në vijën e dytë të nisjes i renditën Andrea Iannone (Suzuki) si dhe dy pilotët e Ducati, me Andrea Dovizioso që la pas shokun e skuadrës Jorge Lorenzo.
Vijon paraqitja e dobët e motorit Yamaha, pasi të dy pilotët e saj ishin larg kreut. Maverick Vinales u klasifikua në vendin e tetë, ndërsa Valentino Rossi i nënti, duke e nisur garën e nesërme nga vija e tretë (pas tyre Pedrosa me Honda i dhjeti).
#MotoGP Qualifying 🏁
THE CROWD GO WILD! @JohannZarco1 takes pole for his home Grand Prix! 🇫🇷@marcmarquez93 will start 2nd and @Petrux9 3rd!#FrenchGP pic.twitter.com/bBBxympqWD
— MotoGP™🏁 (@MotoGP) May 19, 2018
