Manchester United ka hyrë në garë për të marrë portierin e Juventus, Gianluigi Buffon, në momentin që ka mësuar se italiani ka vendosur të largohet nga bardhezinjtë pas 17 vitesh, por nuk do tërhiqet nga futbolli.
Një numër klubesh në Europë janë interesuar për Buffon dhe duket se Paris është në avantazh për të marrë 40-vjeçarin, por në orët e fundit kanë hyrë në garë edhe United dhe Liverpool.
Gazeta italiane “Tuttosport” ka shkruar se Manchester United është takuar me menaxherin e Buffon duke marrë masa për një largim të mundshëm të David De Gea, duke i bërë një super-ofertë italianit.
Që nga viti 2015 është folur për një kalim të De Gea te Real Madrid dhe mendohet se vera e ardhshme do të jetë ajo e duhura. Kësisoj, deri në fund të majit, kur Buffon ka deklaruar të ardhmen e tij, “telenovela” vazhdon…