Mes Kinës, Amerikës dhe Japonisë, Andres Iniesta zgjedh këtë të fundit. Marrin fund dilemat lidhur me të ardhmen e mesfushorit spanjoll i cili ka vendosur ta vazhdojë karrierën në shtetin nipon pikërisht në rradët e skuadrës Vissel Kobe.
Sipas asaj që shkruan gazeta ElMundoDeportivo, Iniesta po udhëton drejt Japonisë aty ku ditën e nesërme do të firmosë kontratën me Vissel Koben. Skuadra e re e Iniestës aktualisht pozicionohet në vendin e 6-të të kampionatit japonez ndërkohë që ish kapiteni i Barcelonës do të ketë shok skuadre një tjetër kampion bote siç është gjermani Lucas Podolski. Nuk bëhen ende të ditura termat e kontratës dhe paga vjetore e Don Andres megjithatë tashmë është e sigurtë që e ardhmja e mesfushorit do të jetë në Japoni.