Mbrojtësi i Barcelona-s Jordi Alba e ka përfunduar sezonin e tij me katalanasit, por mbrojtësi nuk harron rivalitetet.
Teksa rivalët e Barça-s po përgatiten për finalen e Champions League në Kiev të shtunën, Alba ka zbuluar se do të mbështesë Liverpool dhe shpreson që Real Madrid t’i humbasë të gjitha ndeshjet.
“Marrëdhënia jonë është e çuditshme pasi, megjithëse shkoj shumë mirë me të gjithë, dua që ata t’i humbasin të gjitha ndeshjet,” shprehet Alba.
“Unë i urova për finalen e Champions League por do të kisha dashur të mos e bëja.”
Liverpool i Jurgen Klopp është kundërshtari i Real Madrid në Kiev të shtunën teksa të Kuqtë duan të fitojnë Champions League e parë që prej 2005.
Ndërsa Barcelona është eliminuar nga ekipi që Liverpool mposhti në gjysmëfinale, Roma.
