Giorgio Chiellini dhe babai i tij do të mbështesin Liverpool ndaj Real Madrid në finalen e Champions League.
Real Madrid ishte ekipi që eliminoi Juventus në atë çerekfinale dramatike në Bernabeu.
“Me ndeshjen që praktikisht kishte përfunduar, një penallti e dyshimtë na prish humorin të gjithëve, siç e patë edhe në televizor,” shprehet Fabio Chiellini, babai i Giorgio-s, për Mediaset Premium.
Kur pyetet se për cilën skuadër do të bëjë tifo i biri i tij, përgjigja e tij ishte e pritshme: “Normalisht që do të bëjmë tifo për Liverpool, si Giorgio ashtu edhe unë.
“Mesa duket Real nuk është shumë i pëlqyer, siç jemi edhe ne tek Juventus, pasi fitojmë gjithmonë.
“Është normale.”
