Përfaqësuesja shqiptare pësoi një humbje të thellë 3-0 përballë Kosovës.
Kjo fitore e Kosovës ndaj Shqipërisë erdhi në miqësoren e zhvilluar në stadiumin” Letzigrund” të Zyrihut, i cili ishte i stërmbushur me shqiptarë nga diaspora.
Menjëherë pas përfundimit të këtij takimi, mediat kosovare kanë folur me superlativa për kombëtaren e drejtuar nga Bernard Challandes.
“Kosova e Challendes nuk di për humbje, nëpërkëmbë Shqipërinë e Panuccit në miqësore”– e titullon “Telegraf” që i referohet 3 fitoreve të arritura që nga ulja në stol e trajnerit zvicerian.
Ndërkohë, “Gazeta Express” është më e drejtpërdrejtë, duke e titulluar: “Kosova e “rreh” Shqipërinë në miqësore”