Objektivi i Manchester United Gareth Bale raportohet se mund të transferohet në Old Trafford falë një shkëmbimi të bujshëm me Paul Pogba.
Ylli i Real Madrid ka kohë që përflitet për një kalim te Djajtë e Kuq, me Jose Mourinho që po mundohet të shesë lojtarin e përfaqësueses së Uellsit.
Bale, 28 vjeç, i ka dhënë shpresa United pas finales së Champions League, me sulmuesin që pretendoi se mund të largohej nga Los Blancos për të luajtur rregullisht.
Dhe sipas mediave spanjolle, Mourinho e kërkon me çdo kusht Bale.
Ato raportojnë se trajneri i United është gati të përfshijë Paul Pogba plus para për shërbimet e ish-yllit të Tottenham këtë verë.
Djajtë e Kuq janë të bindur se Pogba është një lojtar i pëlqyer nga Florentino Perez, dhe falë tij do të ishin në gjendje ta merrnin Bale me një çmim të mirë.