Mbyllet eksperienca italiane e Erblira Bicit me skuadrën LPM Pallavolo Mondovi, me të cilën u aktivizua dy sezonet e fundit. Lajmin e ka kanë konfirmuar drejtuesit e ekipit italian përmes një mesazhi në faqen e tyre zyrtare në “Facebook”, ku njofton largimin e shtatlartës shqiptare.
“LPM Pallavolo Mondovi falënderon volejbollistet Erblira Bici dhe Ilaria Demichelis që kanë veshur me pasion dhe grintë fanellën me ngjyrat e skuadrës sonë. I urojmë asaj një të ardhme të ndritur dhe me sa më shumë suksese sportive”.
LPM Pallavolo Mondovi shpresonte të mbante volejbollisten shqiptare, madje edhe trajneri i kësaj skuadra udhëtoi drejt Tiranës për ta bindur Bicin, por vendimi i saj ka qenë i pakthyeshëm, pasi ka të tjera plane. Ende nuk dihet destinacioni i ardhshëm i Bicit, por është e qartë që aventura në Itali e ka katapultuar në treg, aq sa i kanë mbërritur oferta nga skipe të ndryshme.
