Kombëtarja e Brazilit ka realizuar foton e saj zyrtare të kompeticionit të Kupës së Botës “Rusi 2018”. “Seleçao” e ka postuar foton në llogarinë e saj zyrtare në “Twitter”.
Në radhën e parë dhe të tretë janë vendosur futbollistët me uniformën klasike verdheblu, kurse në radhën e dytë është rreshtuar stafi teknik dhe mjekësor.
Ekipit i është bashkuar edhe mesfushori i sapoblerë nga Manchester United Fred, i cili ka pësuar dëmtim në kyçin e këmbës, të cilin ia shkaktoi shoku i tij Casemiro. Ai gjendet i ulur në krahun e djathtë të mesfushorit të Chelseat Willian.
Brazili zhvillon nesër ndeshjen e fundit testuese me Austrinë, përpara se të nisë fushatën ruse të Botërorit me skuadrën e Zvicrës në 17 qershor.
