Është një nga atletët më të mirë shqiptarë dhe që e ka nderuar edhe sot flamurin kuqezi në Europë. Medalje ari për Izmir Smajlajn në kërcim së gjati në Lihtenshtejn.
Shkodrani arriti që të marrë këtë medalje për vendet e vogla pas konkurrencës me 17 atletë të tjerë, pasi pati 18 shtete pjesëmarrës në këtë turne.
Smajlaj nuk mundi që të thyente rekordin 8 metër dhe 20 centimetër për shkak të një faulli të bërë në kërcim. Në fund, ai arriti që të shkonte në kuotën 7 metër dhe 90 centimetër.
Smajlaj u shpall kampion Europe në turneun e Serbisë që u zhvillua vitin e shkuar, ndërsa e përsëriti sot në Lihtenshtejn të njëjtën gjë, duke ngritur lartë flamurin kuqezi.
