Crystal Palace arrin marveshjen me një nga portierët më të mirë në La Liga pasi ka përfituar nga fakti që Vicente Guaita e kishte mbyllur kontratën me Getafe, duke i ofruar një pagë që e joshi spanjollin të pranonte ofertën e tyre.
31-vjeçari Guaita ka firmosur për tre vite me “shqiponjat” dhe marrëveshja do të nisë nga 1 korrik, kur ai do të lihet i lirë nga Getafe.
“Jemi shumë të kënaqur për arritjen e marrëveshjes, sepse kemi pasur shumë konkurrencë. Po pres me padurim që Vicente t’i bashkohet ekipit tonë në fazën përgatitore dhe të na ndihmojë në sezonin e ardhshëm të Premier League,” – tha drejtuesi i Crystal Palace, Steve Parish.
Guaita mbylli 12 ndeshje pa pësuar gol në sezonin e kaluar të La Liga, ku Getafe u rendit në vendin e tetë. Ai bëhet blerja e parë për trajnerin Roy Hodgon gjatë kësaj vere.
