Pas zyrtarizimit si trajner i Partizanit, Skënder Gega është paraqitur në kompleksin sportiv në Kamzë ku skuadra e kuqe zhvillon përgatitjet. 54-vjeçari është ulur së bashku me stafin teknik para fillimit të stërvitjes për të biseduar.
Gega së bashku me zëvendëstrajnerin Mahmuti do të zhvillojnë seancën stërvitore të ditës së sotme, nga ku do të fillojnë përgatitjet për eliminatoret e kupave të Europës. “Panorama Sport” ka arritur të sigurojë një foto nga takimi i trajnerit tropojan me stafin drejtues.
