Mesa duket Mario Gotze kërkon të largohet për të dytën herë nga Borussia Dortmund. Ylli i BVB do të ribashkohet me ish-trajnerin e tij Jurgen Klopp te Liverpool.
Sipas ekspertit anglez, i cili ka shkruar edhe biografinë e Klopp, heroi i botërorit të kaluar do të provojë fatin e tij në Premier League.
“Liverpool është favorit për të blerë Mario Gotze,” shprehet Price për Daily Express. Padyshim që faktori kryesor i këtij transferimi do të jetë Klopp.
Ka qenë pikërisht ai që e ka zbuluar 18-vjeçarin Gotze duke e aktivizuar për të parën herë me ekipin e parë në Bundesliga gjatë sezonit 2010/11.
Që prej atij momenti kontakti mes lojtarit dhe trajnerit nuk është shuar asnjëherë teksa Klopp e ka kërkuar te Liverpool edhe kur ai vendosi të largohej nga Bayern, por lojtari zgjodhi të rikthehej te Dortmund.
Sipas Price, Klopp e ka bindur këtë herë Gotze, duke i thënë se do të ishte një lojtar shumë i rëndësishëm për të Kuqtë.
