Pas Radja Nainggolanit, një tjetër futbollist mund të largohet nga radhët e Romës. Mbrojtësi Alessandro Florenzi nuk ka rinovuar kontratën me verdhekuqtë dhe kjo i ka ndezur sinjalin Interit dhe Atletico Madridit të hidhen në sulm për 27-vjeçarin.
Tekniku zikaltër Luciano Spalletti e kërkon medoemos lojtarin “azure” duke parë aftësinë e tij për t’u përshtatur dhe në mesfushë. Interi është në gjendje të ofrojë pagë 4 milionë € në vit kundrejt 2.7 që Florenzi përfiton te Roma.
Ndërkohë pritet se si do të sillet klubi i “Ujkonjës” me fatin e Florenzit, që është njëri prej elementëve më të rëndësishëm të ekipitk kryeqytetas italian.
