Në “Samara Arena” do të luhet ndeshja e vlefshme për 1/8-at e finaleve të Botërorit mes Brazilit dhe Meksikës.
Brazili është favorit për të fituar trofeun, por sot përballë do të ketë një ekip i cili në fazën e grupeve surprizoi Gjermaninë me atë fitore 1-0.
Këto dy ekipe janë përballur 40 herë mes tyre. Padyshim që bilanci anon nga ekipi 5 herë kampion i botës, me 23 fitore kundrejt 10 të meksikanëve, ndërsa 3 ndeshje janë mbyllur në barazim.
Në Botërorë, kjo do të jetë sfida e pestë mes Brazilit e Meksikës. Në 4 përballjet e para, amerikano-latinët kanë 3 fitore, ndërkohë që një ndeshje ka përfunduar në barazim.
