Komiteti Olimpik Kombëtar Shqiptar (KOKSH), ka publikuar listën me 10 sportistët më të mirë të vitit 2017.
Në vlerësimin e tij, KOKSH pati pjesëmarrjen e sportistëve në aktivitetet e rëndësishme kombëtare dhe ndërkombëtare, si dhe rezultatet e arritura.
E para u rendit atletja Luiza Gega, kampione dhe rekordmene e atletikës shqiptare, ndërsa më pas vijonte Izmir Smajlaj, që u shpall kampion Europe në kërcim së gjati, në Europianin e organizuar në Serbi.
Gjithsesi, kjo listë nuk ka kaluar pa polemika, teksa peshëngritësi shkodran, Erkand Qerimaj ka mbetur i zhgënjyer që nuk është bërë pjesë e saj.
Ai hodhi dyshime mbi mënyrën e përzgjedhjes, teksa evidentoi edhe faktin që as medaljet, (e argjendtë në Europian dhe e bronztë në Botëror), por as renditja mes më të mirëve në Federatën Botërore të Peshëngritjes, nuk ka mjaftuar që të bëhet pjesë e 10-shes në Shqipëri.
Ja 10 sportistët më të mirë të vitit:
Luiza Gega Atletikë
Izmir Smajlaj Atletikë
Jon Vrenozi Xhudo
Ergent Prizreni Mundje
Liridona Rexha Ping Pong
Nikol Merizaj Not
Elord Gjana Karate
Krenar Zeneli Boks
Erblira Bici Volejboll
Endrit Hysenagolli Basketboll