Një histori me fund të lumtur. Pas kalvarit të gjatë prej gati pesë vjetesh, që pati si kulminacion shtrimin në spital pas infektimit me një virus të panjohur, që gati i shkaktoi vdekjen, tenistja Marion Bartoli, fituese e turneut të Wimbledon për edicionin e 2013, zyrtarizon rikthimin në rrethin e tenisteve profesioniste.
Një finale e lumtur për një histori që la në antkh botën e tenisit. Bartoli gjatë këtyre 5 viteve pësoi ndryshime drastike falë kurave të ndryshme. Forma e saj fizike gati preku cakun e obezitetit, e më pas u dobësua në mënyrë ekstreme, ku gati ngjasonte më nje prej vitkimave të Aushvicit.
Por gjithçka që nuk të vret të bën më të fortë dhe sot Bartoli vërteton të jetë e tillë. Francezja ish-numri një në WTA rikthehet në muajin mars, pikërisht për turneun e Miamit. Një sfidë e pabesueshme që fitohet nga dëshira e madhe për t’ia dalë mbanë.
“U mundova ta mbaja të fshehtë këtë lajm sa më gjatë të ishte e mundur, sepse doja të isha e bindur 100 përqind për formën time, por tani ka ardhur momenti për ta zyrtariuar,” – deklaron 33-vjeçarja. U terhoq në moshën 28-vjeçare në kulm të suksesit dhe rikthehet pas 5 vitesh. Marion Bartoli është duke u stërvitur intensivisht në qendrën kombëtare të stërvitjes në Paris.
Gjatë karrierës së saj ajo ka fituar tetë trofe prestigjioz ndërkohë që sot, për startin e një karrire të dytë, ajo vendos objektivat: të fitojë Fed Cup, të garojë në Olimpiadën e Tokios dhe të fitojë një turne Grand Slam. Bota e tenisit do të mbështesë me gjithë forcë një kampione si ajo.
,