Arsenali dhe Liverpooli kanë zhvilluar një ndeshje të jashtëzakonshme mbrëmjen e së premtes.
Në fund ndeshja nuk solli fitues pasi përfundoi në barazim 3-3 ku më së shumti u kënaqën nga kjo ndeshje adhuruesit e futbollit.
Golin e dytë në këtë sfidë për Arsenalin e realizoi mesfushori shqiptar Granit Xhaka me një gjuajtje fantastike nga distanca.
Xhaka ka postuar një foto në profilin e tij zyrtar në Instagram ku ka folur edhe rreth ndeshjes.
“Nuk ishte rezultati që dëshiruam por megjithatë duhet të kemi një karakter të madh të kthehemi nga dy gola disavantazh”, ka shkruar Xhaka.
Goli ndaj Liverpoolit ishte i pari këtë edicion për Xhakën me fanellën e Arsenalit në Ligën Premier.
Barazimi ndaj Liverpoolit, e mban Arsenalin në pozitën e pestë në tabelë me 34 pikë të tubuara.
