29 ndeshje pa humbje, Barcelona ka thyer rekordin e Guardiolas, synimi është i Enriques dhe i Zidanit.
Fitorja e madhe prej 4:2 kundër Real Sociedad, ishte sfida e 29 për Barcelonën në të gjitha garat që nuk dinë për humbje, duke thyer rekordin e Pep Guardiolas, shkruan Gazeta Express.
Në sezonin 2010/11, Barça e Pepit kishte shkuar në 28 ndeshje pa humbje në të gjitha garat.
Synimi i Valverdes tani është rekordi i Luis Enriques. Në sezonin 2015/16, Barça e Luis Enriques kishte shkuar 39 ndeshje pa humbje, rekordi më i mirë në histori të klubit, ndërsa synimi është ai historik i La Ligas, shkruan Gazeta Express.
Sezonin që lamë pas, Zinedine Zidane theu rekordin historik prej 40 ndeshjeve pa humbje, që e mbante Barcelona me Enriquen, 39. Barça është 11 ndeshje larg këtij rekordi dhe duke parë formën e mirë të katalunasve, gjithçka është e arritshme, përcjell Gazeta Express.
– 40 ndeshje (Zinedine Zidane 2016/17)
– 39 ndeshje: 32 fitore – 7 barazime (Luis Enrique 2015/16)
– 29 ndeshje: (do të vazhdojë): 23 fitore – 6 barazime (Ernesto Valverde 2017/18)
– 28 ndeshje: 23 fitore – 5barazime (Pep Guardiola 2010/11).