Fabio Borini i ka të qarta idetë për të ardhmen e tij.
Në një intervistë për mediat italiane, sulmuesi që iu bashkua Milanit gjatë merkatos së verës në formë huazimi nga Sunderland deklaroi se nuk ka aspak ndërmend të largohet nga kuqezinjtë.
26-vjeçari shpjegoi se nuk ka asnjë motiv që ta detyrojë atë të zgjedhë një aventurë të re. Ai theksoi se ka ardhur në skuadrën e duhur dhe se do të bëjë maksimumin që të ndihmojë ekipin të arrijë objektivat e caktuara.
