Dy vjet, kaq zgjati eksperienca e Realdo Filit te Partizani. Mesfushori me tipare sulmuese, i cili u afrua te të kuqtë si talent nga radhët e Apolonisë, tashmë e ka humbur shkëlqimin e tij. Ndoshta për momentin, sepse sot ai “i dha dorën” Partizanit.
Tone të ashpra në ndeshjen e të premtes mbrëma në Vlorë, por edhe sot në stërvitje. Kështu, Realdo Fili është shkëputur nga Partizani. Mediat bëjnë publik lajmin e largimit të mesfushorit 22-vjeccar nga të kuqtë, teksa gjithçka tashmë është konfirmuar. Ndërsa e ardhmja jo. Mbeten edhe 48 orë të merkatos në Shqipëri, ku duhet të shihet se ai do të shkojë.
Ndoshta, sakrifica e bërë në janarin e vitit 2016 nuk ja vlejti si një trampolinë…
