Janë luajtur ndeshjet eliminatore të Kupës së Shqipërisë në basketboll për meshkuj e femra, të cilat do të përcaktojnë edhe çiftet çerekfinaliste. Ndërsa te meshkujt ka mbetur ende edhe një emër për t’u përcaktuar, që do të dalë nga sfida Skënderbeu-Apolonia, te femrat janë përcaktuar çiftet çerekfinaliste.
Te meshkujt, në eliminatoret e para u regjistruan fitoret e ekipeve udhëtuese, ku Skënderbeu mposhti 70-65 Flamurtarin, ndërsa Apolonia triumfoi 77-58 në fushën e Elbasanit. Fituesit do të luajnë ditën e mërkurë mes tyre për të nxjerë edhe ekipin e fundit çerekfinalist te meshkujt, që do të përballet me Teutën.
Te femrat, Janë përcaktuar çiftet çerekfinaliste, teksa Apolonia e Elbasani janë dy skuadrat që u kualifikuan pas ndeshjeve eliminatoret. Apolonia fitoi 57-53 ndaj Partizanit në Vlorë, ndërsa Elbasani mundi me lehtësi 68-38 Kamza Basket, duke avancuar në fazën çerekfinale.
Kupa e Shqipërisë – Meshkuj (faza eliminatore)
Flamurtari – Skënderbeu, 65-70
Elbasani – Apolonia, 58-77
24 janar, Skënderbeu – Apolonia, ora 13:00
Kupa e Shqipërisë – Meshkuj (faza çerekfinale)
27 janar, Teuta – Skuadra e kualifikuar ora 18:00 (Durrës)
27 janar, Tirana – Goga Basket, ora 19:00 (Faherie Hoti)
27 janar, Partizani – Barleti Eagles, ora 19:00 (Asllan Rusi)
27 janar, Vllaznia – Kamza Basket, ora 17:00 (Shkodër)
Kupa e Shqipërisë – Femra (faza eliminatore)
Apolonia – Partizani, 57-53
Elbasani – Kamza Basket, 68-38
Kupa e Shqipërisë – Femra (faza çerekfinale)
27 janar, Goga Basket – Apolonia, ora 12:00 (Durrës)
27 janar, Flamurtari – Elbasani, ora 11:00 (Vlorë)
27 janar, Tirana – Skënderbeu, ora 17:00 (Fahrie Hoti)
27 janar, Studenti – Vllaznia, ora 16:00 (Asllan Rusi)