Lionel Messi e ka thyer rekordin e gjatë të Gerd Mullerit për më së shumti gola të shënuar për një klub, në pesë ligat kryesore evropiane.
Superylli i Barcelonës e shënoi golin e tij të 366-të në fitoren e katalunasve (4-2) kundër Real Sociedadit.
Argjentinasi realizoi nga gjuajtja e lirë duke kaluar legjendën gjermane, i cili i ka shënuar 365 gola me Bayern Munichun.
Ish-futbollisti gjerman e kishte vendosur rekordin e tij gjatë kohës kur luante për bavarezët, në periudhën 1964-1979, ndërsa golat e tij i ka shënuar në 427 ndeshje të La Ligas.
Messi ka qenë në formë të jashtëzakonshme këtë sezon duke i shënuar 16 gola dhe duke dhuruar tetë asistime në kampionatin spanjoll.
Fitorja e Barcelonës ndaj Real Sociedadit bëri që Blaugranët të mbajnë distancë prej nëntë pikësh nga vendi i dytë, Atletico Madrid dhe 19 pikë larg Real Madridit.
Argjentinasi dhe bashkëlojtarët e tij akoma nuk kanë humbur këtë sezon, përkundër se nga klubi u largua Neymar.
