Milan po shfrytëzon të gjitha mundësitë e mundshme për të bërë një transferim të vlefshëm në merkaton e janarit, i cili do të ndryshonte rendimentin e skuadrës.
Mirabelli deklaroi më herët se Milani nuk do të ishte aktiv në merkato, pasi vetëm do të shiste lojtarët të cilët nuk ishin më në planet e ekipit.
Por mesa duket gjasat janë që nuk do të jetë kështu. Sipas mediave italiane, Mirabelli dhe Fassone kanë planifikuar një shkëmbim të cmendur, duke ofruar Kalinic tek skuadra kineze e Tianjin Quanjian dhe afrimin e Patos në ‘San Siro’, raporton Alpenews.
Pato po kalon një formë mjaft të mirë në Kinë, dhe kjo ka qenë shtysa e Mirabellit për të larguar Kalinic, i cili nuk po i justifikon 25 milionë eurot e shpenzuara për të.
Nga ana tjetër kjo lëvizje do të shkaktonte edhe entuziazëm tek tifozët kuqezinj, të cilët sapo ka dalë lajmi kanë shprehur pëlqimin e tyre për këtë shkëmbim. /AlpeNews.al/
