Isco dhe Ramos pritet të mungojnë të shtunën kundër Valencias.
Sipas asaj që raporton AS nga burime të sigurta, dy spanjollët, Isco dhe Sergio Ramos, nuk do të jenë në gjendje të ndihmojnë ekipin e Zinedine Zidane në Mestalla të shtunën ku Real Madridi përballet me Valencian.
Ish magjistari i Malagas është larguar nga stërvitja e sotme për shkak të një shqetësimi, ndërsa Serggio Ramos, që në Copa del Rey luajti ndeshjen e parë pas pothuajse tre javësh, ka një mbingarkesë dhe nuk do të rrezikohet kundër Valencias.
Reali është në krizë dhe do të tentojë të shpëtojë sezonin duke arritur në formën më të mirë për ndeshjen me PSG-në në Ligën e Kampionëve, gara e vetme që i ka mbetur madrilenëve.