Agjenti i Stanislav Lobotkas, Branislav Jasurek, e ka mohuar sot se Interi ka arritur marrëveshje për klientin e tij, duke thënë se sllovaku do të qëndrojë në Spanjë.
Mesfushori sllovak është lidhur sot me “Zikaltrit” pasi më herët u raportua se kishte arritur marrëveshje, por Jasurek ka insistuar se ai nuk do të largohet nga Celta Vigo gjatë këtij afati kalimtar, transmeton Express.
“As Interi e as ndonjë klub tjetër nuk ka arritur marrëveshje me klientin tim”, ka thënë ai për FCInterNews.
“Stanko është plotësisht i fokusuar në Celta Vigo. Madje ai shumë shpejt do t’i nisë bisedimet për kontratë të re. Nuk do të largohet tani, do të qëndrojë”, ka shtuar ai.
