Sulmuesi i Liverpool, Daniel Sturridge, ka kërkuar të largohet nga klubi i kuq, por do të duhen të paktën 35 milionë euro për të blerë kartonin e tij.
28-vjeçari ka informuar drejtuesit e skuadrës se dëshiron të largohet për të gjetur minutat e mjaftueshme për të synuar një vend në Kupën e Botës 2018.
Jurgen Klopp ka shprehur dëshirën që Sturridge të qëndrojë të paktën deri në fund të sezonit, por gjithashtu i ka garantuar lojtarit se kundrejt ofertës së duhur mund të largohet nga skuadra.
Për më tepër “të kuqtë” kanë hedhur poshtë idenë e huazimit dhe do të pranojnë vetëm shitjen përfundimtare të tij për 35 milionë euro.
Southampton dhe West Ham janë lakuar se kanë shfaqur interesimin e tyre por ish-sulmuesin e Chelsea, që ka luajtur shumë pak sivjet. Sturridge nuk luan që nga 6 dhjetori kundër Spartak Moskës në Champions League.
Gjatë gjithë këtij sezoni ai ka luajtur në pesë ndeshje pasi Klopp ka besuar gjithçka te Roberto Firmino për rolin e qendërsulmuesit. Por jo vetëm kaq, edhe 20-vjeçari Dominic Solanke është preferuar para tij.
Sturridge ka shënuar 63 gola në 133 ndeshje për Liverpool, që kur u ble nga Chelsea për 16 milionë euro, para pesë vitesh.
