Drejtori Sportiv i Juventusit, Marotta i përgjigjet presidentit të Napolit, De Laurentis.
“Thumbimet që vijnë nga Napoli? Ne jemi shumë të qetë. E dimë se këto janë kurthet që ne duhet të përballemi çdo vit. Ajo që thonë të tjerët nuk na prek, përkundrazi, ata na japin edhe më shumë përgjegjësi”, tha Marotta, duke vijuar për “Premium Sport”: “Nëse duhet të përgjigjem në një mënyrë ironike, them se De Laurentis, si një njeri i zoti i kinemasë, është një person shakaxhi. Nga ana tjetër, nëse duhet të jap një përgjigje serioze, dua të citoj një frazë nga filozofi gjerman Schopenhauer i cili tha: “Kur flasin për ty, nuk duhet të kuptosh çfarë je, por çfarë janë të tjerët. Në këtë frazë ka gjithçka që duhet kuptuar”, u shpreh Marotta.
