Ish-ylli i Gjermanisë, Mario Basler, e ka kritikuar Gianluigi Buffonin duke thënë se portieri veteran duhet të largohet nga futbolli sepse nuk është më në nivelin më të lartë.
Buffon, tani 40-vjeçar, dështoi ta presë goditjen e Christian Eriksenit nga goditja e dënimit, e cila e barazoi rezultatin në 2-2 në ndeshjen e parë të 1/8-ave të finaleve të Ligës së Kampionëve mbrëmë në Torino.
Duke folur për televizionin gjerman pas ndeshjes, Basler e kritikoi ashpër Buffonin.
Gigi ka qenë portier i jashtëzakonshëm, por nganjëherë njerëzve iu ikën koha e duhur për të dalë në pension. Atij i iku momenti i duhur për t’u lrguar nga futbolli. Unë u largova në moshën 33-vjeçare. Atij duhet t’ia thotë Allegri dhe klubi se ka ardhur koha për t’i dhënë fund. Juventusi dëshiron ta fitojë Ligën e Kampionëve, por Buffon nuk është më në nivel ndërkombëtar dhe me të nuk do ta fitojnë këtë trofe”, ka thënë Basler.
