Lazio do të kërkojë të harrojë tri humbjet e njëpasnjëshme të pësuara në kampionat kur të udhëtojë të enjten drejt kryeqytetit rumun për t’u ndeshur me Steauan e Bukurueshtit, një ndeshje që do të jetë e vlefshme për 1/16-at e Europa League.
Ecuria e rumunëve në ndeshjet e Europa League të luajtura në shtëpi nuk ka qenë shumë e mirë, me vetëm 3 fitore të marra në 14 ndeshjet e fundit (5 barazime, 6 humbje). Lazio, nga ana tjetër, do të paraqitet në këtë ndeshje pas katër ndeshjesh pas tri humbjesh dhe një barazimi të marra në katër ndeshjet e fundit të luajtura në Itali. Rumunët janë përballur 13 herë me skuadrat italiane dhe nuk ka kanë arritur të shënojnë gol në 12 nga ato ndeshje, me 5 barazime dhe 8 humbje të pësuara.
Për më tepër, Lazio nuk ka pësuar asnjë humbje në katër ndeshjet e fundit që ka luajtur kundër ekipeve rumune. Steaua nuk ka marrë asnjë fitore në tri ndeshjet e fundit që ka luajtur në Europa League (1 barazim, 2 humbje), ndërsa bardhekaltrit nuk kanë fituar asnjë nga katër ndeshjet e fundit të 1/16-ve të Europa League që kanë luajtur në transfertë (3 barazime, 1 humbje).
