Para ndeshjes së 1/8-ave të Champions League mes Real Madrid dhe PSG, policia spanjolle ka shtërnguar masat e sigurisë. “Rreth 1800 policë do të jenë në gatishmëri të këtij dueli ku do të ndeshen kampionët spanjoll me ata francez të Ligue 1 në stadiumin Santiago Bernabeu të mërkurën mbrëma”, tha një prej zyrtarëve të policisë për mediat. Ndeshja është konsideruar “me rrezikshmëri të lartë”.
Policia është bërë gati që të presë 4000 tifozë francezë, mes tyre 500 ultras ë dhunshëm. “Ne do të marrim të gjitha masat e nevojshme që të kontrollojmë ultrasit”, tha prefekti i zonës së Madridit, Concepcion Dancausa.
Në dhjetor, para ndeshjes mes Bayern Munich dhe PSG pati përleshje masive në zonën “Munich Central Station” ku rreth 60mbështetës të të dyja skuadrave filluan që të rriheshin me njëri-tjetrin.
